مبارك يحكم المصريين حتى في العالم الآخر
سأظل جاثما على صدوركم ما دام في الصدر قلب ينبض ونفس يتردد
مبارك 19 نوفمبر 2006
قاعد لاخر نفس
لحد آخر حشرجة
حالف ياخدنا كلنا
مهما تكون اجيالنا
للتربة
معاه
صعبان عليه ان احنا
نتلطم بموته
والحياة من بعده صعبة
ومهما تكون مباهجها
كتيرة
صعب انها من بعده تبقى
حياه
الشعب نصه مات
من الغيظ الكمد
والباقي هو قاعد له ومتبت
ومهما تطول ايامه
برضو قاعد له ومتبت
بيستناه
ازاي يروح للموت
وبرده ووحدته
ويسيب عبيده
يعانوا بعده
صنوف الويل
وطول الليل
وألم الآه
لازم هناك برضو
يعيشوا ف ضيعته
وتحت عينه
وعين مباحثه وشرطته
وهو يحكم ويتسلطن
ويتمتع بنفس العز
والجاه
هناك تعليق واحد:
ممكن الكلام ده مايكونش فى المكان المناسب,بس تقدر تقول طق حنك اذا سمحتولى: شوية عيال هايفة عملوا عرض فى جامعة الأزهر قالوا عليه عرض عسكرى..الإخوان نددوا بيه وتبرؤا منه..انما الناس هتسكت؟ طبعا لأ..ده الإخوان أقوى معارضة شعبي-صداع للحكومة- وواخدين مقاعد برلمانية خمسة أضعاف أحزاب المعارضة كلها مجتمعة-صداع لأحزاب المعارضة...عشان كده اللى له واللى مالوش نزل بسكاكينه على عجل الإخوان لما وقع !!!...وعجبى
باشكاتب
إرسال تعليق