تهنئة للعادلى بعضوية الشورى

مبروك عليك ياعمونا العادلي ***عضويتك ف المجلس البلدي

دبح وعذب وارضي اسيادك ***واسجن ولادنا قبلي او بحري

اللص واسياده يجاملو بعضهم ***والشعب يدفع شعبنا المخصي

مبروك عليك عضويته الحلوة ***دا هدية حلوة من نظام مزري

مبروك عليك يا عمونا العادلي ***جاتلك كمان فوق الحصانة حصانة

دبح وعذب وارضي اسيادك ***واخدم عميد الذل طرطور المهانة

دمر وخرب انت واسيادك*** دا مصر مهما بتعملو نعسانة

لافيه امل ولا فيه بصيص من نور*** ف عهدكم هي اسمها الخربانة

النشيد الوطني في العهد الاسود

بلادي بلادي بلادي

لكِ سخطي وامتعاضي

***

مصر يا أم الأذلة

البلاد ناهباها شلة

والنظام بقى ريحته جلة

هي دي ريحة بلادي

***
مصر يا ارض الجحيم

والعصا في المستقيم

والكبير* مهما يولول

مافي منقذ م الاعادي
***

يا بلادي عيشي عرة

زي شجرة سنط مرة

وانسجي م الفقر صرة

وزعيها بالأيادي

***

مصر اولادك ضحايا

في البحار ما لهمش راية

يغرقوا تبقي النهاية

وعلى الله اعتمادي

***

بلادي بلادي بلادي

لكِ سخطي وامتعاضي

--------

*عماد الكبير