أنشودة الزعماء العرب في معركة لبنان


ياأولمرت اضرب بعزيمة ****كل شعوبنا ما لهاش لازمة
اضرب واقتل ما تخليش****واحنا ف رجلك زي الجزمة
خلي الارض بلون الدم ****واحنا وراك لنهاية الازمة
****
اوعى تسيب واحد م الحزب ****كله اونطة وكذب في كذب
مش عايزين ولا واحد منهم ****مش عايزين اسلام ولا غلب
احنا رضينا ببوش زعيم ****وانت خليفته ف ارض العُرب
علمهم ان انت السيد**** علمهم ايه يعني الحرب
احنا وراك لنهاية السكة ****مهما شعوبنا تثور ع الضرب
احنا قلوبنا بتسند جيشك**** حبة عمالة واتنين حب
احنا قلوبنا معاك وايدينا**** مغلولة بنظرات الشعب
لو فيه فرصة كنا نساعد**** نمسح حزب الله م الارض
احنا عشان رضا بوش علينا**** بعنا شرفنا وبعنا العرض
لو كان طاعة بوش دي سنة ***يبقى وقوفنا معاك الفرض
****
اضرب يلا يا جيشنا الغالي*** اضرب واحنا قلوبنا معاك
مهما يقولوا دا "غير متناسب" *** دعواتنا وصلواتنا وراك
لو ها تبيد لبنان بالمرة**** كل بلاد العُرب فداك
****
دول مش حزب الله يا حبيبنا ***دول حزب الشيطان الاعمى
يقتلوا ويخطفوا اسيادهم ****ويدخلوا كراسينا في ازمة
طول عمرنا بندادي ف بوش ***بنفول ان مرادنا رضاه
ييجي يعمل لك فيها زعيم**** ويقول لك انا حزب الله
ويهزهزوا كراسينا الدايبة**** بجهادهم في سبيل الله
احنا نجاهد في سبيل بوش*** هو شفيعنا باذن الله
****
كل قلوبنا بتنزف دم ****لما يهودي شظية تصيبه
ونبات ندعي تخف جراحه ****قلب حبيب مرسال لحبيبه
بعون الله رايح تهزمهم ****وف مساعيهم برضو يخيبوا
احنا يابوش بندعي لجيشك**** بنقول الله ينصر دينك
ويخذل اعدائك وخصومك**** وتحط الحزب ف مصارينك
****
جيش الدفاع اضرب سلاحك ف المدى**** وامسح خصومنا الله يعينك ع العدا
احنا معاك بقلوبنا في ساحة الوغى ****لكان لساننا يقول كلام عكس كده
عارف شعوبنا الجهل ما منه دوا**** ما بيعرفوش يميزوا بين دا ودا
احنا بندعي لنصرتك ع الحزب نصرة ****خايفين كراسينا تروح البصرة
اوعى ياجيشنا تنهزم تبقى مصيبة ****ويضيع دعانا لنصرتك تبقى مغامرة
لو تنهزم راح نندحر ويا الفلول ****تبقى التفافة علينا ذي المطرة
دا احنا كراسينا ضعيفة لوحدها ****هزة كمان وعروشنا تلحق كسرى
****
احنا شعوبنا كلها راح تنتقم ****منا ومنك تبقي ايامنا عدم
احنا مصيرنا مرتبط ف المعركة ****ممكن نتوه وياكوا ف بحور الندم
لو تنهزم تبقى عروشنا مسخرة**** يقعد عليها بعدنا شر الخدم
ها يدوقوك المر لما يمسكوا ****واحنا ها ناخد فوق دماغنا بالصرم
احنا بنمسك قلبنا كل دقيقة**** شايفين مصير الشاه وغيره م الرمم
احنا شعوبنا عنيها بتطلع شرار ****بيشوفوا مين راح ينتصر او ينهزم
ها يصفوا حساباتهم معانا كلنا**** لو كنت مهزوم مش ها ينفعنا الندم

قصيدة غزل في كوندليزا رايس

حيزبون العصر شمطاء الزمن**** لعنة الله على هذا النتــــن
اي ثدي غذى تلك السلعوة**** اي صدر ضم بركان المحــن
افعوان تبرز الانياب منه**** وجه شيطان على رسم وثــــــن
لو حباك الله انثى مثلها**** لسئمت العيش ابغضت السكــــــن
امنا الغولة اذا نزلت بدار****غار منها الحب وانداح الشجن
ساء يوم القوم ان حلت بهم**** وانقلب في وجههم ظهر المجن
لاتراها غــادية او آتــــية**** الا شيطان تنكر في بــــدن
اينما تخطو ترى بركاتها **** قتلى وجرحى..عويل وكفـــن
انثى لاشبه لها بين النساء**** دابة عمياء ينقصها الرســــن